طفل يتيم ..!

اقطع فجوج الارض بالطول والعرض

لعيونك اللي ما ذبحني سواها

يا بنت لو ان المشاعر لها ومض

كان احرقت غيري بقوة سناها

حبي لك اول حكم ما يقبل النقض

واصدق حقيقة يكذب اللي وراها

اجس نبض محبتك وانتي النبض

وانتي شقا عيني وحبك عماها

الحرة اللي ينفرض حبها فرض

حتى مشاعرها على مستواها

لا تتركيني بين الايجاب والرفض

يا عارفة بير الجروح وغطاها

تخيليني كل ما يبتدي عرض

وتوصل بك النشوة الى منتهاها

طفل يتيم ويرسم امه على الارض

وينام ع الصورة يدور دفاها





بقلمي (f) ..!

from منتديات مكسات http://ift.tt/1x75JB3